Құсайынов Ж.: Киносценарий әліппесі

Көркем фильм, сериал немесе деректі фильмнің драматургиялық сипаты бір-бірінен алшақ емес. Өйткені бұл визуал өнімдердің түп негізі «сторителлинг» дейтін ұғымға кеп саяды. Сторителлинг - әңгімелеу өнері. Сторителлинг - қандай да бір мәсәлені, құндылықты көтеру арқылы миллиондаған адамға қозғау салу. Сторителлинг - тұтас өркениеттерге, саяси-әлеуметтік бағыттарға, мәдениет пен өнердің беталысына ықпал ету. Сторителлинг – өз көзқарасыңды әлеммен бөлісу. Ендеше, бұл өнер белгілі бір құрылымға, ереже мен қағидаларға сүйенеді. Ол заңдылықтар түрлі таланттар мен ізденімпаз жандардың жылдар бойғы маңдай терімен түзілген.
Бұл кітап осы тәсілдерді қазақы реалиге икемдеп, драматургияның әуелгі қағидаттары мен әлемдік деңгейдегі түрлі сценарий шеберлерінің тәсілдерін оқырманға ұсынады.
Блейк Снайдер, Дэн Хермон, Юрген Вольф сынды шетелдік авторлардың сценарий саласына қатысты бірқатар кеңестері ескеріліп, автордың жеке тәжірибесімен ұштасады.
Сторителлинг, сценарий жазу қабілеті - үйренуге болатын өнер. Кітаптағы қағидалар мен тапсырмаларды қатаң орындау арқылы кино-cериалға сценарий жазу қабілетін жоғары деңгейге жеткізуге болады. Сценарий жазу әрбір талапшыл, еңбекқор жан еңсере алатын өнер. Бұл кітап жазуға талпынған, кино-сериал әлемінде табысқа жетуді мақсат қылған әрбір жанның жұмыс стөлінде тұруы тиіс.