Қытайдағы қазақ әдебиетінің көрнекті өкілі Омарғазы Айтанұлының «Аң шадырын оқ табар» романы көршілес елдегі мәдениет төңкерісінің он жылдығы оқиғасына тұспа-тұс келіп, Шыңжаң қазақтарына кеңінен танымал болған туынды. Роман оқиғасы тарихтың, табиғат пен қоғам қайнауының бұлтарыс-қалтарыстарынан, құпиялы құлыптауларынан сыр шертеді. Қоңыр тіршілік кешкен қазақ ауылдарын дүрбелеңге салған коммунаға біріктіру шарасы болат қорыту науқанының үндеуінен кейін үлкен секірісті бастап, қызу қарқын алады.
Табиғатпен тамырлас, жер иісі сіңген таудың кәрі тарланын болат қорытудың белсенділері туып-өскен топырағынан айырып, жат ортаға алып кетеді. Күні ертең не боларын Жаратқан иесіне тапсырған Ақтағыстың «Аң шадырын оқ табар, бір жөні болар!» деуінің мәні тереңде.
Шығарманың тілі шұрайлы, оқиға желісі шымыр.
Пользовательские характеристики | |
---|---|
AX_ID | 1414529 |