Силикон алқабындағы жақында ғана табысты болған технологиялық компания нарықтағы позициясын тез жоғалтып жатыр. Директорлар кеңесінің төрағасы даулы және парадоксалды шешім қабылдайды: жаңа CEO ретінде қарапайым бизнес білімі бар, АҚШ әскерінің бұрынғы қызметкері 57 жастағы зейнеткер әйелді жұмысқа алады. Кэтрин тәртіпті қалпына келтіріп, компанияға бұрынғы ұлылығын қайтара ала ма?
Патрик Ленсионидің іскерлік романы осылай басталады. Ленсиони — танымал іскерлік романдардың авторы, жаттықтырушы және тиімді корпоративтік ортаны құруға маманданған консалтинг компанияның президенті. Корпоративтік ортамен байланысқан кез келген адамға аталған роман әсерлі болатыны соншалық оны бизнес-триллер деп атауға болады.
Ленсиони — күрделі басқару мәселелерін ең қарапайым да қызықты жолмен баяндаудың шебері. «Топтын бес ақаулығын» бір түнде оқып бітіру оңай. Алайда оқырманның кітаптан алған тағылымы өмір бойына кәдеге жарайды. Кітап аға және орта буын басшыларына, HR менеджерлеріне және топтың тиімді өзара әрекеттестігіне қызығушылық танытатындарға пайдалы болмақ.
Дәйексөздер:
Топтық рух шешуші рөл атқарады. Ғалымдар, мұғалімдер, жаттықтырушылар және БАҚ бұл мәселені көп жыл бойы зерттеп келе жатқанымен, керемет топ құрудың өзіндік қиындығы бар. Өйткені мінезі мен кемшіліктері бөлек адамдардың бірлескен қызметін анықтау оңайға түспейді.
Күнделікті тынымсыз еңбек жолында ұжымда мәселелер тудыратын, адам болмысына тән барлық мүмкін кемшіліктер мен осал тұстарын жеңгендер ғана табысқа жетеді.
Топтардың кемшіліктері мен ізгі қасиеттері туралы айта беруге болады, бірақ іс жүзінде барлық топтық жұмыс бірнеше басты қағидаларға негізделеді. Табыстың сыры кең теориялық базаны меңгеруде емес, парасаттылықты тәртіп пен табандылықтың ең жоғары деңгейімен үйлестіруде жатыр.
Патрик Ленсиони — «Компанияның жүрегі», «Кеңестен өлім», «Басқарушының бес азғыруы» және т.б. іскерлік романдардың авторы. Бұдан бөлек Патрик жеке жаттықтырушы ретінде жұмыс істейді және көшбасшылық, топтық жұмыс, менеджмент пен ұйымдық даму тақырыптарында көпшілікке дәрістер оқиды. Қазір ол Американың Make-A-Wish қорының Ұлттық директорлар кеңесінің құрамында бар. Патрик, сонымен қатар, көшбасшы топтарды дамытуға және ұйымдық дамуға маманданған The Table Group (Сан-Франциско) консалтинг компаниясының президенті қызметін атқарады.
