Менің тағдырымның тасқыны талай тәкаппар жартастарға соғылды, талай жайлы жағалауға жығылды. Кейде жылғаларды бұзып-жарып өзенге айналдырды, ал өзен өзегі талған жандарға қуат берді. «Құмға сіңген» де кезім көп, «мұз құрсауына» да төзгенім бар. Осының бәрі менің өмір жолыма Жаратушының таңдап бұйырған «сыйы» деп білем. Сондықтан Мен тағдырымның тасқынын тасымен, суымен, құмымен, мұзымен қоса сүйем (amor fati — лат. тағдырды сүю).
Бизнестегі жетістіктерім — жеңілістерімен, өмірдегі құндылықтарым — құрбандықтарымен құнды. Бұл кітап асау ағысқа толы менің тағдыр тасқынымды баяндайды.